U-14組

The demise of Gundam

Julian

我哋呢個構圖係由[機動戰士高達 0079]第三集裏面馬沙揸住渣古踢高達嘅名場面改寫而成。當時阿寶揸住高達打算去阻止馬沙嘅戰艦接受補給，馬沙為咗確保補給可以順利進行，揸住佢嘅專用機紅渣古出去阻止高達。正當佢哋打得如火如荼嘅時候，馬沙突然意識到木馬號喺度攻擊緊佢嘅戰艦同補給艦，馬沙被迫停止同高達嘅戰爭，要返去保護戰艦。佢哋嘅戰鬥告一段落，所以我今次就幫佢哋創造咗個結局。我個結局係經過幾輪激戰，馬沙嘅渣古成功擊敗高達，而阿寶就揸住高達嘅核心戰機逃走。之所以係渣古打贏高達，係因為阿寶其實係喺佢居住嘅殖民衛星side 7受到襲擊嘅時候，迫於無奈先去駕駛高達，佢冇經過任何專業訓練亦冇任何戰鬥經驗。相反，雖然高達嘅性能比紅渣古略勝一籌，但係馬沙係自護軍嘅王牌機師，駕駛技術同經驗都絕對比阿寶優勝。而且，我哋喺動畫可以見到，高達同紅渣古嘅戰鬥，高達只係可以防禦紅渣古嘅攻擊，冇任何還手之力，所以渣古係應該贏嘅。而紅渣古我選用呢個飛踢嘅姿勢，係因為呢個係紅渣古最經典嘅動作，動畫里面紅渣古飛踢高達更加係其中一個名場面之一，喺之後唔同高達動畫，亦都有唔同嘅機體模仿呢個動作(eg. 新安州)，所以我認為揀呢個動作做K.O.高達嘅動作係最適合不過嘅。而高達方面，我希望做到高達已經比紅渣古打到郁唔到，阿寶唯有乘坐核戰機去逃走嘅場面，活用聯邦軍[V作戰計劃]開發嘅機體嘅核心戰機系統嘅一大特點。我希望呢件作品可以創造一個同原著唔同馬沙同阿寶佢哋宿命之間的對決嘅結果，令故事同原著有別。
喺呢個作品嗰度，我哋用咗RG高達同埋紅渣古，仲有用咗水貼軟化劑(綠蓋)同埋水貼接着劑(藍蓋)去貼水貼，黑色加白色舊化液去做漬冼，黑色加銀色琺瑯油去做舊化乾掃，紅渣古主鏡頭同埋熱能斧用咗Gundam marker去補色，用咗舊化粉去做舊化。